நீ சாதாரணமானவன்.

நில்! 
நீ சாதாரணமானவன்;
நெருங்கினால்,
நீட் தேர்வில் நிலைகுலைந்து போவாய்.
நெரிசல் போட்டியில் நெஞ்சடைத்துப் போவாய்.
சமுதாயக் கிடங்கின் சந்தை பரிவர்த்தனைகளில்,
நீ சதா, ரணமானவன்!
நீ சிந்திய வேர்வையில் சிதைந்திடுவாய்.
தகுதிப் பதிவேட்டில் தளர்ந்திடுவாய்.
நம்பிக்கை கயிறாக, நாண்டிடுவாய்.
நீ சொந்தமாய் சுவாசிக்கவே சேவைவரி கட்டுபவன்.
விலகிவிடு ;வீதியே உனக்குச் சொந்தம்.
ஏனெனில், நீ சாதாரணமானவன். 
                                                         ப.சந்திரசேகரன் .