(இனிய புத்தாண்டு வாழ்த்துக்கள்).
காலத்தின் அதிகாரம்,காட்டிடும் கடிகாரம்.
ஞாலம் முழுவதும் கோலங்கள் குறிகாட்டும்.
கால்களின் ஆற்றல் கண்டங்கள் பலகாணும்.
வேலையின் வேகத்தில் அண்டமே அதிர்வுரும்.
மாறிய தலைமுறைக்கு மதியே மூலதனம்.
ஏறி இறங்கிடும் பொருளியல் புகைச்சலில்,
ஊறிய சேமிப்பை உறிஞ்சிடும் விலைவாசி;
மீறாக் கடமைகளில் மிரட்டிடும் அலைபேசி.
வீதிகள் விரிந்திட,வணிகத்தில் மனிதம்.
நீதியின் நடுக்கத்தில் நடுநிலை தடுமாறும்.
சாதிமதச் சான்றுடனே சாட்சிகள் சதிராடும்;
ஊதிப் பெருக்குதலில் ஊடகம் தடம்மாறும்.
ஆலமரம் போலடர்ந்து ஆக்கமது நிழலாகி
கூலிக்கு மாரடிக்கா குணமது கூடமைக்க,
வேலிக்குள் அறமென்று,வெற்றி மரம்நட்டு
பாலமது அன்பாக பாரினில் கட்டமைப்போம்.
ப.சந்திரசேகரன்.
👏👏
ReplyDelete