பலபெயர் கொண்ட பிசாசு.

 

முட்டையானால் பொய்;

மூட்டையானால் புளுகு. 

குஞ்சு பொரித்தால் குறும்புரளி; 

அஞ்சா விரிவுரை அண்டப்புளுகு ;

ஆறாய்ப் பெருகிட ஆகாசப்புளுகு. 

ஆர்ப்பரித்து ஓடிடின் அளப்பு. 

வலைகள் பின்னிட பித்தலாட்டம்.

தலைகள் உருண்டால் தகிடுதித்தம்  

வத்தியின் வரைவினில் வதந்தி; 

புத்தியை மறைத்திடின் புரட்டு;  

வரைவுகள் மிஞ்சிட அவதூறு. 

திரையினுள் மறைத்திடின் தில்லுமுல்லு .

எதற்கும் துணிந்த எத்தர்க்கு, 

உதிர்க்கும் சொல்லெல்லாம் உதாரு.

உலகினை வலம்வரும் 'உடான்சு'

பலபெயர் கொண்ட பிசாசு. 

ப சந்திரசேகரன்