புத்தாண்டு 2016 புன்னகைக்கிறது
=============================== .
உதடுகளின் சாம்ராஜ்யத்தில்
புன்னகையையை அரியணை ஏற்றுவோம் !
பொய் மேகங்கள் பெயர்ந்து கலையட்டும்.
உதடெனும் பூச்செடி உதிர்ப்பது
வண்ணமிடும் உண்மை மலர்களாகட்டும் .
கையில் பணமும் கணக்குகள் பலவும்,
செய்யா அதிசியங்கள் செய்து காட்டிட,
ஐயம் அறியா அன்பைக் குவிப்போம் !
பூமியின் பலமே புதுமைகள் படைத்தலெனின்,
பலமாய் புதுமைகள் பழகுவோம் பாரில்.
பொருளோடு அருளும் புவியை வென்றிட
புத்தாண்டுப் படியினை பணிந்துத் தொடுவோம்!
படபடவென முன்னேறப் பயணம் தொடருவோம் !
ப. சந்திரசேகரன்.
No comments:
Post a Comment