குலமுயர்த்தும் பொங்கல்

                                                  {வாழ்க வேளாண் பணி;

                                         வாழ்க குலமுயர்த்தும்  பொங்கல்} 

                                                   HAPPY PONGAL.

உலகின் உறைவிடம் உறங்கிடா நிலம்; 

நிலம்தனை உழுதிட,நிறைந்திடும் பலம்.  

பலமுறை தோற்றிடும் வேளாண் குலம்,  

பலியிட வருவராம் பாவிகள் வலம்.

விதைகள்  இன்றி  ஆகுமோ வேர்கள்? 

பாதைகள் இன்றி  பார்ப்பரோ  ஊர்கள்?

மாதிரி மரபுடன் மண்கலம் பொங்கிடின் , 

தீதெலாம் அகன்று தினந்தினம் பொங்கலே!

 

பூத்ததும் காய்த்ததும் பூமியின் தாய்மையே! 

காய்த்ததை,காத்ததை,கள்வர்கள் கவர்ந்திட, 

வாய்த்ததை பொங்குவர்,வழியிலா வேளாண். 

மேய்த்ததை மென்னுவர்,மேற்குடி முதலைகள்!

 

போலியாய்ப்  பொங்குமோ,உழுதோர் உழைப்பு? 

கூலியை மதித்தலே,குலமுயர்த்தும்  பொங்கலாம்! 

ப.சந்திரசேகரன்.