பொங்குக, பணிவிழா
!
கதிரெனத் தழைத்து கரும்பென உயர்ந்து
உதிரா மகிழ்வினை உலகினுக் களித்திட,
அதிர்வுறும் அன்பினை அறமுடன் கலந்து
,
எதிரும் புதிரும் இணைத்திடும் பொங்கல் !
பொங்கிடும் புதுமைக்கு பழமையே விதை;
தங்கமாய் மிளிரும் தரணியின் பசுமைக்கு
மங்கிடா உழைப்பு மழையெனப் பொழிந்து ,
தேங்காது இறங்குமே இன்னுயிர் ஈன்றிட .
ஈன்றவைக் கனிந்து, காணும் பொங்கலாய்
இன்புறும் மேடைகள் மக்களுக் களித்து,
வீணாய்ப் போகும் பொழுதுகள் பயன்பெற,
மீண்டும் மண்ணில் பணிவிழா பெருக்கும்..
பெருகிடும் உழைப்பே பெருமிதம் படைக்கும்;
அருவியாய்ச் சுரந்திடும் ஆற்றலும் ஆக்கமும் ,
தருமமாய்த் திறமையாய், தழுவித் தோன்றலே ,
உருவமாய் உயிர்த்தெழும் உலகியல் பொங்கல். ப.சந்திரசேகரன்.
No comments:
Post a Comment